اب آئی فون پر وٹس ایپ پیغام لکھنے کی ضرورت نہیں

جیسا کہ ہم نے آپ کو بتایا تھا کہ واٹس ایپ جلد ہی آئی فون سری کو سپورٹ کرے گااور آپ اپنی آواز کے ذریعے پیغامات ارسال کرسکیں گے تولیجئے اب واٹس ایپ آئی او ایس 10 میں سری سپورٹ کو شامل کردیا گیا ہے۔ جس کے بعد آپ باآسانی اب اپنی آواز کے ذریعے واٹس ایپ پر پیغامات ارسال کرسکتے ہیں۔

سری کو آپ کہیئے کہ واٹس ایپ پر فلاں شخص کو کال ملائے یا پیغام بھیجے تو سری فوراً آپ کی دی گئی کمانڈ پر عمل کرتے ہوئے کال ملادے گی یا پیغام ارسال کرنے کے لیئے آپ کو بولنے کا کہے گی۔جب آپ بولنا بند کردیں گے تو آپ کے سامنے پیغام دکھایا جائے گا جس میں اگر کوئی لفظ یا جملہ غلط ٹائپ ہوگیا ہو تو آپ درست کرسکتے ہیں۔ اس کے علاوہ آپ لاک اسکرین پر بھی سری کو کمانڈ دے کر واٹس ایپ کا استعمال کرسکتے ہیں۔

یہ بھی پڑھیں: سری، آپکی نئی پرسنل اسسٹنٹ

واٹس ایپ کا تازہ ورژن ایپل اسٹور پر دستیاب ہے، ڈاؤنلوڈ سے قبل آپ کو آئی او ایس 10 پر اپگریڈ ہونا ضروری ہے تاکہ آپ واٹس ایپ کے تمام تازہ فیچر جن میں سری سپورٹ بھی شامل ہے کا بھرپور فائدہ اٹھا سکیں۔