محمد بلال خان
مشہور موبائل میسیجنگ اپلیکیشن واٹس ایپ نے حال ہی میں کافی نئے فیچر شامل کیئے ہیں اور اب جلد واٹس ایپ کی ایپلیکیشن آئی فون سری کو سپورٹ کرے گی۔جس کے بعد آئی فون کے صارفین سری کے ذریعے واٹس ایپ پیغامات بھیج اور پڑھنے کے ساتھ ساتھ اپنے دوستوں کو فون کال بھی سری کے استعمال سے کرسکیں گے۔
ذرائع کے مطابق واٹس ایپ کے ڈویلپرز آئی فون پر موجود پرسنل اسسٹنٹ سری کی کمانڈز کو ایپ میں شامل کرنے کی کوشش میں مصروف ہیں جس سے غالب امکان ہے کہ بہت جلد واٹس ایپ میں سری کی سپورٹ شامل ہوگی۔
سری کو تمام ایپلیکیشن میں شامل کیا جاسکے گا
سری کو فی الحال اپیل کی خود بنائی گئی اپلیکیشن اور چند دیگر ڈویلپرز کی جانب سے بنائی گئی ایپلیکیشن پر ہی استعمال کیا جاسکتا ہے۔ لیکن آئی او ایس 10 (iOS 10) ریلیز ہونے کے بعد ایسا نہیں ہوگا اور کوئی بھی ڈویلپر اپنی ایپلیکیشن میں سری کو شامل کرسکے گا۔
تاہم یہ بات بھی قابل غور ہے کہ واٹس ایپ کی جانب سے اس معاملے میں کوئی بھی تصدیقی بیان جاری نہیں کیا گیا کہ وہ سری کو واٹس ایپ میں شامل کررہے ہیں یا نہیں۔