ٹوئٹر نے نوٹیفیکیشن کا معیار جانچنے کے لیئے فلٹر متعارف کروادیا

ٹوئٹر نے حال ہی میں چند نئے فیچرز متعارف کروائے ہیں جن میں سے نوٹیفیکیشن کا معیار بہتر بنانے کے لیئے کوالٹی فلٹر (Quality Filter) لانچ کیا گیا ہے۔

ٹوئٹر کے مطابق یہ فلٹر اکاؤنٹ پر فوری تحقیق کرے گا اور خودکار ٹویٹس جن میں آپ کو ٹیگ کیا گیا ہو یا ایسی ٹویٹس جو معیاری مواد نہ رکھتی ہوں کو آپ کے نوٹیفیکیشن سے غائب کردیا جائے گا تاکہ آپ کو صرف وہ نوٹیفیکیشن موصول ہوسکیں جو اہم ہیں ۔اس کے علاوہ یہ فلٹر ان افراد کی پروفائل پر کام نہیں کرے گا جن کو آپ نے فالو کررکھا ہوگا یا وہ اکاؤنٹ جن سے آپ نے حال ہی میں ٹویٹس کی ذریعے بات چیت کی ہوگی۔

Two simple settings to give you better control over your Twitter experience. https://t.co/pEJuMUhCYs pic.twitter.com/jmFd0rDoV6

— Twitter Support (@Support) August 18, 2016

فلٹر صارف کی مرضی سے کام کرے گا

ٹوئٹر نے اس فلٹر کے ساتھ ہی آپ کو یہ سہولت بھی فراہم کی ہے کہ آپ اپنی مرضی کے مطابق اس فلٹر کو بند بھی کرسکتے ہیں اور دوبارہ ایکٹیو بھی کرسکتے ہیں۔

اس کے علاوہ ٹوئٹر نے یہ خصوصیت بھی فراہم کی ہے کہ اگر آپ ہر کسی کے نوٹیفیکیشن نہیں دیکھنا چاہتے تو آپ نوٹیفیکیشن کو صرف ان افراد تک محدود کرسکتے ہیں جن کو آپ ٹوئٹر سے یا موبائل سے فالو کرتے ہوں۔

فی الحال یہ فلٹر صرف آئی فون صارفین کے لیئے ہے، تاہم امید ہے کہ جلد ہی اینڈرائیڈ کے لیئے بھی یہ فلٹر لانچ کردیا جائے گا۔