محمد زہیر چوھان
جوتوں اور کپڑوں کی لوٹ سیل کے بارے میں تو آپ نے اکثر سنا ہوگا۔ لیکن یوفون نامی دکاندار نے اب موبائل فونز کی لوٹ سیل بھی لگا دی ہے۔
آج یوفون کی جانب سے اعلان کیا گیا ہے کہ یوفون کے موبائل فونز G1000 اور G3610 کی قیمتوں میں کمی کی جارہی ہے۔
G1000 یوفون کا سب سے سستا فون ہے جسکی قیمت پہلے 999 روپے تھی جسے اب گھٹا کر 799 روپے کر دیا گیا ہے۔ اس قیمت میں نئی سم اور پچاس روپے کا مفت بیلنس بھی شامل ہے۔
G1000 ان تمام لوگوں کے لیے ایک بہترین موبائل ہے جنہیں صرف ضرورت کے لیے موبائل چاہیے ۔ اس میں ٹارچ ، ایف ایم ریڈیو اور لاؤڈ سپیکر جیسی سہولیات بھی موجود ہیں۔
یوفون کے دوسرے موبائل G3610 میں کلر ڈسپلے ، ایف ایم ، لاؤڈ سپیکر ، ٹارچ اور کیمرہ بھی موجود ہے ۔ اس فون کی قیمت پہلے 1999 روپے تھی جسے اب گھٹا کر 1699 کر دیا گیا ہے۔
تفصیلات اور شرائط:
- G1000 کی قیمت 799 روپے ہے جس میں سم کارڈ اور فری بیلنس بھی شامل ہے۔
- سم کے بغیر G1000 کی قیمت 749 روپے ہوگی۔
- یوفون کے یہ موبائل قریبی فرنچائیز، یوشاپ یا سروس سنٹر سے خریدے جاسکتے ہیں۔
- نئی سم کے ساتھ فراہم کیے جانے والے 50 روپے بیلنس کی معیاد 90 دن ہے۔
- یہ آفر محدود مدت کے لیے دستیاب ہے۔